بقلمي هلال البنا
..................
لينا الله العادل فوق
بيخلص ويجيب لحقوق
هو العالم. بالأحوال
مين له حق ومين محقوق
هو الخالق هو الرازق
يعلم مين كداب والصادق
حتى النيه لو ملويه
ولا يقبل من أي منافق
عارف مين مستور مرزوق
وعالم مين محتاج مزنوق
ومين عايش بالناس مش حاسس
هايص فوق يٱكل برقوق
مين بيفك ضيق. المخنوق
مين يجبر بياع. في. السوق
عالم عارف. للغم. كاشف
لينا الله العادل فوق
الله عنده. خلاص الحق
ولا بيحابي حد على حد
كرمه الواسع عنى. يدافع
خافض رافع حق و جد
قادر خلا القمر انشق
وجزع النخله حن. ورق
وجمل يبكي وللنبي يشكي
سبحان ربك عدل و صدق
لينا الله العادل فوق
بيحب الأخلاق و الذوق
والإحسان يرضي الرحمن
للخالق من كل مخلوق
ربنا حنان ومنان
ورحيم رحمن عالإنسان
والمخلوقات وعالجان
وبيخلص حق. الغلبان
لينا الله رب الأكوان
رافع السما واضع الميزان
تحت وفوق والنور الضوء
شمسه وقمره بالحسبان
هو العادل لينا الله
مين العاقل يوم يعصاه
رحمن يرحم وكريم يكرم
مسلم مؤمن. هو معاه
هو الخلاق الرزاق
للتواب غفار مشتاق
على طول يغفر للمستغفر
يللا نكون لله. عشاق
هو الله العادل فوق
بيخلص ويجيب لحقوق
شايف عارف خوف الخايف
وصاحب الحق ومين محقوق
.......................
العادل فوق
بقلمي هلال البنا
الكلمات المفتاحية :
شعراء مطلع الألفية