///////+++يااهل لحروف+++////////
يااهل لحروف ولوناسة
ياهل لمكان ياجلاسة
شايف فيكم للي مايتشاف
ومعاكم مانعرف انخاف
احروفكم اسرار ليفادة
وسطوركم افراح بزيادة
صحبتكم امنابع كل حكمة
وعلاج يداوي بالكلمة
رفقتكم ياك شحال ولافة
فيها شلى قلوب لطافة
ياك فيكم اطبيب علاجي
وحضوركم اداوه يفاجي
لحروف تقرب بصفاوة
لحروف اصل اسرار نقاوة
اتفرش بساط لكل من بغات
وللي عشقاتو بيه رضات
ماتعرف قساوة ولى عناد
لحروف عطور لكل عباد
في لخيال خايدة امكانها
ف الجمع نشربو كيسانها
تروي لقلوب ياك بمحبة
ساطعة كالبدر كيف تخبة
ومحلقة ف سماها طايعة
ف حقول الابداع ياك دايعة
لينا حرة باللطف تبوح
ترتاح وتهدن هذا الروح
وبحسن لكلام عاملة جليسة
لقلوب وتحس بيها ونيسة
بقلم صقر الحروف الزجال المحجوب بوسبولة
الكلمات المفتاحية :
شعراء مطلع الالفية