يا ابو الريش
إن شالله تعيش
تمن سنين
شادين الحزام
وشبعنا جوع وعوزة
وضرب وتلطيش
بتعمل حاجات كتير
حلوة
لكن تعليم وصحة
وكهربا وتموين
مافيش
صرخنا لرغيف العيش
جاي تعوضة
من حتة تانية
ياوزير ما بيختشيش
وبنت زايد والصحة
سرقة ونهب بالملايين
وللمرضي الغلابة
بح مافيش
والتربية والتعليم
لا تربية ولا تعليم
خلاص مافيش
وانت ياعم
يابتاع الكهربا كهربتنا
وناقص تاخد عل الفاتورة
بقشيش
وانتوا يانواب الشعب
اية مافيش
والله انحني الضهر وانكسر
حتي العافية بقت
مافيش
كفاية كدة عل الحجر
وراعوا البشر
وبلاش تطنيش
وانا لا اخواني ولاغيرة
والله بحبك
لكن مش عارف
اعيش
ياابو الريش
انشالله تعيش
حن عل الغلابة شوية
احسن اللي بيروح
ما بيجيش
احمد محمود
الكلمات المفتاحية :
شعراء مطلع الالفية