أكلم مين …..
معرفش أمتى أكلم مين……….ومين هيطلع شهم أمين
كتالوج نوايا البنى أدمين……….منزلش فى أى روايا
. منزلش فى أى روايا
هلزق بلستر على فمى………..وامشى بين الناس متغمى
مشوفش ولا أحرق دمى…………الإءتصار هو دوايا
. منزلش فى أى روايا
الله يسهل لعبيده…………..ننقص إحنا ويزيده
ويغيرو فينا ويكيدو…………..تحجيم لينا وزبط زوايا
. منزلش فى أى روايا
ميكبروش بينا ف قاعده………….مسافات مبنا متبعده
لو جيت تطالب بمساعدة………….ممنوع متطلبش الجايا
.منزلش فى أى روايا
ضاحكين علينا بريضانا..،…،…..ويبان راحتهم فى أذانا
نخلص ونلقى دا جزانا…………عجزونا نخطى أنايا
.منزلش فى أى روايا
الشاعر/ أبوسريع إسماعيل
الكلمات المفتاحية :
شعراء مطلع الالفية